Xəbərlər

Təhsil işçilərinin sentyabr konfransı keçirilib.

Avqustun 31-də Qarabağ Regional Təhsil İdarəsinin tabeliyində fəaliyyət göstərən Bərdə rayonu təhsil işçilərinin 2026–2027-ci tədris ili üzrə sentyabr konfransları keçirilib.

‎Konfrans Azərbaycan Respublikasının Dövlət Himninin səsləndirilməsi ilə başlayıb, daha sonra şəhidlərin əziz xatirəsi bir dəqiqəlik sükutla yad edilib.

‎Tədbirdə Bərdə Rayon İcra Hakimiyyətin baş məsləhətçisi Zöhrab Zöhrabbəyov, Qarabağ Regional Təhsil İdarəsinin Tədrisin keyfiyyəti sektorunun müdiri Elməddin Bəşirov, Elm və Təhsil İşçiləri Həmkarlar İttifaqı Bərdə rayon komitəsinin sədri Misir Ənvərli , məktəbəqədər, ümumi və məktəbdənkənar təhsil müəssisələrinin rəhbərləri və qabaqcıl təhsil işçiləri iştirak ediblər.

Konfransda Bərdə rayon təhsil sektorunun aparıcı məsləhətçisi Kənan Rüstəmov tərəfindən ötən tədris ilinin nəticələri, əldə olunan nailiyyətlər haqqında hesabatlar təqdim edilib və qarşıda duran məsələlər müzakirə edilib. Yeni tədris ili üzrə əsas hədəflər və prioritet istiqamətlər diqqətə çatdırılıb.

‎Çıxışlarda təhsilin keyfiyyətinin yüksəldilməsi, şagird nailiyyətlərinin artırılması, müəllimlərin peşəkar inkişafının dəstəklənməsi və məktəblərdə səmərəli idarəetmənin təmin edilməsi ilə bağlı əsas vəzifələr vurğulanıb.

‎Sonda müəyyən edilmiş hədəflərin həyata keçirilməsi və təhsil göstəricilərinin daha da yaxşılaşdırılması istiqamətində məqsədyönlü fəaliyyətin davam etdirilməsinin vacibliyi qeyd olunub.

ETİHİ üzvləri Müəllimlərin XXII Yay İdman Oyunlarını 6 medalla başa vurublar

Bolqarıstanın Albena şəhərində keçirilən Müəllimlərin XXII Yay İdman Oyunlarına yekun vurulub.

Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirak etdiyi beynəlxalq yarışlarda Azərbaycan Həmkarlar İttifaqları Konfederasiyasının (AHİK) üzv təşkilatı Elm və Təhsil İşçiləri Həmkarlar İttifaqının (ETİHİ) təmsilçiləri uğurlu nəticələr əldə ediblər.

ETİHİ təmsilçiləri yarışları 4 birincilik və 2 üçüncülük olmaqla, ümumilikdə 6 mükafatla başa vurublar.

Mini-futbol üzrə komandamız final görüşündə Polşa təmsilçisini 5:4 hesabla məğlub edərək turnirin qalibi olub.

Stolüstü tennis üzrə komanda yarışlarında qadınlardan ibarət komandamız 1-ci, kişilərdən ibarət komandamız isə 3-cü yeri tutub.

Qadınlar arasında stolüstü tennis üzrə fərdi yarışda Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin məşqçi-müəllimi Rüfət Əliyeva 1-ci, Xətai rayonu 56 saylı tam orta məktəbin müəllimi Xəyalə Qiyasova isə 3-cü yeri tutub. Şahmat üzrə fərdi yarışda isə Şəmkir rayonu Kimya və Biologiya Təmayüllü Liseyinin müəllimi Bünyad Əsgərov 1-ci yerə layiq görülüb.

Sonda qaliblər Bolqarıstan Müəllimlər Birliyinin prezidenti Yanka Takeva, Bolqarıstan Müstəqil Həmkarlar İttifaqları Konfederasiyasının vitse-prezidenti Todor Kapitanov, Bolqarıstan İşçilərinin İdman və Sağlamlıq Federasiyasının prezidenti, Balkan İşçi İdmanı Assosiasiyasının vitse-prezidenti Desislava Yagodin və Varna şəhərinin meri Blagomir Kotsev tərəfindən kubok və medallarla təltif olunublar.

Beynəlxalq yarış təhsil işçiləri arasında sağlam həyat tərzinin təşviqində, eləcə də həmkarlar ittifaqı üzvləri arasında dostluq və əməkdaşlıq əlaqələrinin inkişafında mühüm rol oynayır.

Qeyd edək ki, 2004-cü ildən etibarən keçirilən bu yarışlarda Ümummilli Lider Heydər Əliyevin anadan olmasının ildönümünə həsr olunmuş respublika idman yarışlarında yüksək nəticələr göstərərək seçilmiş ittifaq üzvləri iştirak edirlər.

ETİHİ üzvləri Müəllimlərin XXII Yay İdman Oyunlarında uğurla çıxış edirlər

Bolqarıstanın Albena şəhərində Təhsil üzrə Avropa Həmkarlar İttifaqı Komitəsinin (ETUCE) üzv təşkilatlarının nümayəndələrinin iştirakı ilə Müəllimlərin XXII Yay İdman Oyunları keçirilir.

Azərbaycan Həmkarlar İttifaqları Konfederasiyasının üzv təşkilatı Elm və Təhsil İşçiləri Həmkarlar İttifaqının (ETİHİ) üzvləri də bu beynəlxalq yarışlarda iştirak edirlər.

Azərbaycan təmsilçiləri mini-futbol, stolüstü tennis, basketbol, çimərlik voleybolu və şahmat olmaqla 5 idman növündə mübarizə aparırlar.

Avqustun 27-28-də keçirilən yarışlarda ittifaq üzvlərimiz bir sıra uğurlu nəticələr əldə ediblər.

Mini-futbol üzrə komandamız qrup mərhələsini 6 xalla başa vuraraq yarımfinala yüksəlib. Yarımfinalda Bolqarıstanın “Vraça” komandasını 3:1 hesabı ilə məğlub edən təmsilçilərimiz finala vəsiqə qazanıblar.

Stolüstü tennis üzrə qadın və kişi komandalarımız da qrup mərhələsində keçirdikləri bütün qarşılaşmalarda qələbə qazanıblar. Qadınlardan ibarət komandamız 6 xalla, kişilərdən ibarət komandamız isə 8 xalla qrup mərhələsini lider kimi başa vuraraq final mərhələsinə yüksəliblər.

Şahmat üzrə fərdi yarışlarda Şəmkir rayon Kimya-biologiya təmayüllü liseyin müəllimi Bünyad Əsgərov I yeri tutub. O, həlledici qarşılaşmada Polşanın “ZNP” komandasının təmsilçisinə qalib gələrək yarışın qalibi olub.

Qeyd edək ki, Müəllimlərin Yay İdman Oyunları 2004-cü ildən etibarən ənənəvi olaraq hər il Bolqarıstanda keçirilir. Oyunlarda Ümummilli Lider Heydər Əliyevin anadan olmasının ildönümlərinə həsr edilən ölkədaxili idman yarışlarında yüksək nəticələr göstərərək münsiflər heyəti tərəfindən seçilən ittifaq üzvlərimiz iştirak edirlər.

Yarışlar avqustun 30-dək davam edəcək.

Aygün Abbasovanın 65 illik yubileyi qeyd olunub.

Bərdə rayonu İlqar Abbasov adına Kələntərli kənd tam orta ümumtəhsil məktəbinin müəllimi Abbasova Aygün Həbib qızının 65 yaşı tamam olması münasibətilə tədbir keçirilib.

Elm və Təhsil İşçiləri Həmkarlar İttifaqı Bərdə Rayon Komitəsinin sədri Misir Ənvərli məktəbə gedib və Aygün Abbasovanı 65 illik yubileyi münasibətilə təbrik edib, ona möhkəm cansağlığı, uzun ömür, ailə səadəti və pedaqoji fəaliyyətində uğurlar arzulayıblar.

Təbrik zamanı müəllimənin təhsil sahəsində uzunillik və səmərəli fəaliyyəti, gənc nəslin təlim-tərbiyəsində göstərdiyi xidmətlər yüksək qiymətləndirilib.

Yubiley münasibətilə Elm və Təhsil İşçiləri Həmkarlar İttifaqı Bərdə Rayon Komitəsi tərəfindən Aygün Abbasovaya fəxri fərman və hədiyyə təqdim olunub.

Səmimi görüş xoş təəssüratlarla başa çatıb və sonda xatirə şəkili çəkilib.

Pedaqoji fəaliyyətə həsr olunmuş 65 il

Bərdə rayon Qabil Bayramov adına Piyadalar kənd ümumi orta ümumtəhsil məktəbində ibtidai sinif müəllimi Fəzalıyeva Tahirə Mirzalı qızının 65 illik yubileyi münasibətilə tədbir keçirilib.

Tədbirdə Elm və Təhsil İşçiləri Həmkarlar İttifaqı Bərdə Rayon Komitəsinin sədri, məktəb rəhbərliyi və müəllim kollektivi iştirak edib. Çıxışlarda Tahirə Fəzalıyevanın uzunillik pedaqoji fəaliyyəti, təhsil sahəsində göstərdiyi xidmətlər və şagirdlərin təlim-tərbiyəsindəki əməyi yüksək qiymətləndirilib.

Yubilyara möhkəm cansağlığı, ailə səadəti və pedaqoji fəaliyyətində uğurlar arzulanıb.

Tədbirin sonunda Elm və Təhsil İşçiləri Həmkarlar İttifaqı Bərdə Rayon Komitəsi tərəfindən Fəzalıyeva Tahirə Mirzalı qızına 65 illik yubileyi münasibətilə Fəxri Fərman və hədiyyə təqdim olunub.

Kollec kollektivi Şəki yaylasına ekskursiya edib

lm və Təhsil İşçiləri Həmkarlar İttifaqı Respublika Komitəsinin dəstəyi və Elm və Təhsil İşçiləri Həmkarlar İttifaqı Bərdə Rayon Komitəsinin təşkilatçılığı ilə Bərdə Dövlət İdarəetmə və Texnologiya Kollecinin kollektivi üçün Şəki yaylasına birgünlük ekskursiya təşkil olunub.

Ekskursiyanın əsas məqsədi təhsil işçilərinin asudə vaxtının səmərəli təşkili, onların sosial rifahının yüksəldilməsi, kollektiv üzvləri arasında həmrəyliyin və qarşılıqlı ünsiyyətin daha da möhkəmləndirilməsi olub.

Səfər çərçivəsində iştirakçılar Şəki yaylasının zəngin təbiəti, füsunkar mənzərələri və təmiz dağ havası ilə yaxından tanış olub, xoş və yaddaqalan anlar yaşayıblar. Ekskursiya iştirakçıların böyük məmnuniyyəti ilə qarşılanıb və onlara həm istirahət etmək, həm də mənəvi cəhətdən dincəlmək imkanı yaradıb.

Kollektiv üzvləri göstərilən diqqət və qayğıya görə Elm və Təhsil İşçiləri Həmkarlar İttifaqı Respublika Komitəsinə və Bərdə Rayon Komitəsinə təşəkkürlərini bildirərək, bu cür sosial layihələrin gələcəkdə də davam etdirilməsinin əhəmiyyətini vurğulayıblar.

65 illik yubiley və uzunmüddətli əmək fəaliyyətinə görə təltif.

Bərdə Rayon Uşaq-Gənclər İdman Şahmat Məktəbinin metodisti Rzayeva Nəcibə Əhməd qızının əmək fəaliyyətinin qanunvericiliklə müəyyən edilmiş son yaş həddinə çatması və 65 yaşının tamam olması münasibətilə məktəbdə təltifetmə mərasimi keçirilib.

Mərasimdə iştirak edən Elm və Təhsil İşçiləri Həmkarlar İttifaqı Bərdə Rayon Komitəsinin sədri Misir Ənvərli Nəcibə Rzayevanın uzun illər təhsil sahəsində göstərdiyi səmərəli fəaliyyətini yüksək qiymətləndirərək ona təşəkkürünü bildirib.

Daha sonra yubilyara Elm və Təhsil İşçiləri Həmkarlar İttifaqı Bərdə Rayon Komitəsi tərəfindən fəxri fərman və hədiyyə təqdim edilib.

Tədbirdə çıxış edən məktəb kollektivi Nəcibə Rzayevaya uzunmüddətli, məsuliyyətli və nümunəvi fəaliyyətinə görə minnətdarlıqlarını ifadə edib, ona möhkəm cansağlığı, ailə səadəti və gələcək həyatında uğurlar arzulayıblar.

Təhsil işçiləri üçün növbəti mədəni-istirahət ekskursiyası keçirilib

Elm və Təhsil İşçiləri Həmkarlar İttifaqı Bərdə Rayon Komitəsinin təşkilatçılığı ilə Kolayır kənd körpələr evi–uşaq bağçası kollektivi üçün Qax və Şəki istiqamətində ekskursiya təşkil edilib.

Mədəni-maarifləndirici və istirahət xarakterli səfər zamanı kollektiv üzvləri Azərbaycanın qədim tarixə və zəngin mədəni irsə malik bölgələrindən olan Qax və Şəki rayonlarının görməli yerləri ilə tanış olublar. İştirakçılar bölgələrin tarixi abidələrini, təbiət mənzərələrini və turizm məkanlarını ziyarət edərək xoş və yaddaqalan anlar yaşayıblar.

Ekskursiya əməkdaşların asudə vaxtlarının səmərəli təşkili, kollektiv münasibətlərin möhkəmləndirilməsi və həmkarlar arasında birlik və həmrəyliyin artırılması baxımından mühüm əhəmiyyət daşıyıb.

Səfər iştirakçıları yaradılan şəraitə görə Elm və Təhsil İşçiləri Həmkarlar İttifaqı Bərdə Rayon Komitəsinə təşəkkürlərini bildirərək, bu cür tədbirlərin kollektivlərin mənəvi ruhuna müsbət təsir etdiyini qeyd ediblər.

Kollektiv həmrəyliyi və xoş istirahət

Elm və Təhsil İşçiləri Həmkarlar İttifaqı Bərdə Rayon Komitəsinin təşkilatçılığı ilə Qaradəmirçi kənd körpələr evi–uşaq bağçası və Dəymədağıldı kənd körpələr evi–uşaq bağçası kollektivləri üçün İsmayıllı–Qəbələ istiqamətində ekskursiya təşkil edilib.

Mədəni-maarifləndirici və istirahət xarakterli səfər zamanı iştirakçılar İsmayıllı və Qəbələ rayonlarının zəngin təbiəti, tarixi-mədəni irsi və görməli məkanları ilə yaxından tanış olublar. Ekskursiya iştirakçılarına bölgənin turizm imkanları, tarixi abidələri və təbiət gözəllikləri haqqında geniş məlumat verilib.

Səfər kollektiv üzvlərinin asudə vaxtlarının səmərəli keçirilməsi, əməkdaşlar arasında qarşılıqlı ünsiyyətin və həmrəyliyin daha da möhkəmləndirilməsi baxımından mühüm əhəmiyyət daşıyıb.

İştirakçılar yaradılan şəraitə görə Elm və Təhsil İşçiləri Həmkarlar İttifaqı Bərdə Rayon Komitəsinə minnətdarlıqlarını bildiriblər.

Kollektiv həmrəyliyinə töhfə verən növbəti ekskursiya

ETİHİ Bərdə Rayon Komitəsinin təşkilatçılığı ilə Şirvanlı kənd körpələr evi–uşaq bağçasının kollektivi üçün Qax və Şəki rayonlarına maraqlı və yaddaqalan ekskursiya təşkil olunub.

Səfər zamanı kollektiv üzvləri Azərbaycanın qədim tarixə və zəngin mədəni irsə malik bölgələrindən olan Qax və Şəkinin görməli yerlərini ziyarət ediblər. Ekskursiya iştirakçıları tarixi abidələr, milli memarlıq nümunələri və bölgənin füsunkar təbiəti ilə yaxından tanış olmaq imkanı əldə ediblər.

Gəzinti zamanı əməkdaşlar üçün xoş istirahət şəraiti yaradılıb, kollektiv üzvləri arasında səmimi münasibətlərin və birlik ruhunun daha da möhkəmlənməsinə şərait yaranıb.

Şirvanlı kənd körpələr evi–uşaq bağçasının kollektivi təşkil olunan ekskursiyanın yüksək səviyyədə keçirilməsinə görə ETİHİ Bərdə Rayon Komitəsinə təşəkkürünü bildirib və bu cür tədbirlərin kollektivlərin motivasiyasına müsbət təsir etdiyini qeyd edib.

Həsənqaya kənd körpələr evi–uşaq bağçasının kollektivi üçün İsmayıllı–Qəbələ ekskursiyası təşkil olunub

Elm və Təhsil İşçiləri Həmkarlar İttifaqının Bərdə Rayon Komitəsinin təşkilatçılığı ilə Bərdə şəhəri Həsənqaya kənd körpələr evi–uşaq bağçasının kollektivi üçün İsmayıllı və Qəbələ rayonlarına birgünlük ekskursiya təşkil olunub.

Ekskursiyanın əsas məqsədi təhsil işçilərinin asudə vaxtının səmərəli təşkili, kollektiv üzvləri arasında həmrəyliyin daha da möhkəmləndirilməsi, eləcə də onların mənəvi istirahətinin təmin edilməsi olub.

Səfər çərçivəsində iştirakçılar İsmayıllı və Qəbələ rayonlarının zəngin təbiəti, tarixi-mədəni məkanları və gözəl mənzərələri ilə tanış olublar. Kollektiv üçün maraqlı və yaddaqalan anlarla yadda qalan ekskursiya xoş təəssüratlarla başa çatıb.

Körpələr evi–uşaq bağçasının kollektivi göstərilən diqqət və qayğıya, ekskursiyanın yüksək səviyyədə təşkilinə görə Elm və Təhsil İşçiləri Həmkarlar İttifaqının Bərdə Rayon Komitəsinə təşəkkürünü bildirib.

Bu cür tədbirlər təhsil işçilərinin sosial-mədəni fəallığının artırılmasına, kollektiv münasibətlərin möhkəmləndirilməsinə və onların asudə vaxtının səmərəli təşkilinə mühüm töhfə verir.

Bərdə şəhəri 6 nömrəli körpələr evi–uşaq bağçasının kollektivi üçün İsmayıllı–Qəbələ ekskursiyası təşkil olunub

Elm və Təhsil İşçiləri Həmkarlar İttifaqının Bərdə Rayon Komitəsinin təşkilatçılığı ilə Bərdə şəhəri 6 nömrəli körpələr evi–uşaq bağçasının kollektivi üçün İsmayıllı və Qəbələ rayonlarına birgünlük ekskursiya təşkil olunub.

Ekskursiyanın məqsədi təhsil işçilərinin asudə vaxtının səmərəli təşkili, onların sosial rifahının dəstəklənməsi, kollektiv üzvləri arasında həmrəyliyin və qarşılıqlı əməkdaşlığın möhkəmləndirilməsi olub.

Səfər çərçivəsində iştirakçılar İsmayıllı və Qəbələnin füsunkar təbiəti, əsrarəngiz mənzərələri və görməli yerləri ilə yaxından tanış olublar. Kollektiv rayonların zəngin turizm imkanlarından faydalanaraq xoş və yaddaqalan anlar yaşayıb, maraqlı istirahət proqramında iştirak edib.

Ekskursiya iştirakçıları onlar üçün yaradılan bu gözəl istirahət imkanına və səfərin yüksək səviyyədə təşkilinə görə Elm və Təhsil İşçiləri Həmkarlar İttifaqının Bərdə Rayon Komitəsinə təşəkkürlərini bildiriblər.

Elm və Təhsil İşçiləri Həmkarlar İttifaqının Bərdə Rayon Komitəsi tərəfindən təşkil olunan bu cür ekskursiyalar təhsil işçilərinin sosial-mədəni həyatının zənginləşdirilməsinə, kollektiv ruhunun gücləndirilməsinə və onların asudə vaxtının səmərəli təşkilinə mühüm töhfə verir.